Коом
Балыкчыда 34 жылдан бери иштебей турган мамлекеттик кинотеатр ачылды
Балыкчы шаарындагы 34 жылдан бери иштебей турган «Ысык-Көл» кинотеатры капиталдык оңдоп-түзөөдөн өткөрүлүп, ачылыш аземи өттү. Имаратты оңдоо иштери демөөрчүлөрдүн колдоосу менен ишке ашырылып, ага 12 миллион сом жумшалган.
![Балыкчы шаарындагы 34 жылдан бери иштебей турган "Ысык-Көл" кинотеатры капиталдык оңдоп-түзөөдөн өткөрүлүп, ачылыш аземи өттү - Sputnik Кыргызстан](https://sputnik.kg/img/07e7/03/11/1073679550_150:0:1770:1080_600x0_80_0_0_f888622b0be6233decbcba4c56e3590a.jpg.webp "Балыкчы шаарындагы 34 жылдан бери иштебей турган "Ысык-Көл" кинотеатры капиталдык оңдоп-түзөөдөн өткөрүлүп, ачылыш аземи өттү")
Маданий мекеменин ачылышына Маданият, маалымат, спорт жана жаштар саясаты министринин биринчи орун басары Кайрат Иманалиев, президенттин Ысык-Көл облусундагы ыйгарым укуктуу өкүлчүлүгүнүн аппаратынын социалдык өнүктүрүү бөлүмүнүн башчысы Нурлан Исаков, Төлөмүш Океевдин кызы Азиза Океева жана башкалар катышты.
Аталган кинотеатр 1964-жылы ишин баштаган. Ал Маданият, маалымат, спорт жана жаштар саясаты министрлигинин алдындагы Кинематография департаментинин балансында турат. Акыркы жолу 1989-жылы кино коюлуп, ошондон бери иштебей турган.
Имарат толук оңдоодон өтүп бүткөн, анын айланасын көрктөндүрүү иштери улантылууда.
