Ошто Абсамат Масалиевдин 90 жылдык мааракесине карата митинг-реквием өттү

Кечээ, 10-апрелде Ош шаарында КРнын мамлекеттик жана саясий ишмери, жогорку даражадагы “КР Баатыры” наамынын ээси Абсамат Масалиевдин туулган күнүнө карата митинг-реквием өттү.

Ош шаардык мэриядан билдиришкендей, иш-чарага Ош шаарынын мэриясынын аппарат жетекчиси Азат Кубатбек уулу, легендарлуу парламенттин депутаттары, Ош шаарынын ардагерлер кеңешинин өкүлдөрү, бир катар эмгек сиңирген мамлекеттик ишмерлер, аксакалдар, тургундар катышты.

Эскерүү иш-чарасынын алкагында А.Масалиевдин эстелигине гүл коюлуп, анын Кыргыз Республикасынын экономикалык, социалдык жана маданий өнүгүшүнө кошкон зор салымы белгиленди.

Эске салсак, быйыл Президент Садыр Жапаровдун “Абсамат Масалиевдин туулган күнүнүн 90 жылдыгын майрамдоо жөнүндө” Жарлыгына ылайык, Кыргызстандын бардык аймагында бир катар иш-чараларды өткөрүү пландаштырылган.