Россиядагы президенттик шайлоого карата Кыргызстанда төрт участок ачылат

Россияда 17-мартта болчу президенттик шайлоого карата Кыргызстанда төрт участок ачылат. Бул тууралуу Россиянын Кыргызстандагы элчиси маалымдады.

Дипломатиялык өкүлчүлүк шайлоо участокторунун даректерин кошо жарыялаган. Алар:

Россиянын элчилигинде (Бишкек шаары, Манас проспекти, 55);

Ош шаарындагы Башкы консулдукта (Бобулов көчөсү, 77);

№20022 аскер бөлүгүнүн маданият үйүндө (Кант, Полевая көчөсү, 10А/1);

№87366 аскер бөлүгүнүн клубунда (Каракол шаары, Кой-Сары).

Добуш берүү Бишкек убактысы боюнча 08:00дөн 20:00гө чейин жүргүзүлөрү кошумчаланды.