Бүгүн, 17-июнь күнү Пакикстандан Кыргызстанга 100 жаран келет. Бул тууралуу Кыргызстандын Пакистандагы элчилигинен билдиришти.
“Бүгүн пакистандык авиакомпаниянын жардамы менен элчилике кайрылган 100 адам үчүн “Исламабад-Бишкек” багыты боюнча көптөн бери күтүлүп жаткан биринчи каттам уюштурулду. Учуп кеткен жарандардын арасында кыз-келиндер, балдар, окуучулар, улгайган жарандар жана башка мекендештерибиз бар”, — деп билдиришти элчиликтен.
Элчиликтен белгилешкендей, 19-июнда дагы 100 кыргыз жараны үчүн “Лахор-Бишкек” багыты боюнча каттам уюштурулууда.