«Хизбут-Тахрир» ДЭУ мүчөлөрү болгон 3 аял кармалды

2020-жылдын 27-июнунда УКМК тарабынан диний-экстремисттик уюмдун жашыруун ишмердүүлүгүнө бөгөт коюуу боюнча жүргүзүлүп жаткан иш-чаралардын алкагында Нарын облусунун ИИБ менен биргеликте, «Хизбут-Тахрир» ДЭУ аялдар канатынын активдүү мүчөлөрү, КР жарандары А.Э.А., Б.К.М., А.Г.А., А.А.А., И.М.К. жана М.А.Б. кармалышты. Бул тууралуу УКМКдан билдиришти.

Жашаган жерлерин тинтүү учурунда экстремисттик мүнөздөгү китеп, «Хизбут-Тахрир» ДЭУ камтыган материалдарды пропагандалоого, электрондук маалымат алып жүрүүчү (планшет, ноутбуктар, телефон сим-карталар) жана жазуусу бар күндөлүктөр табылып алынды.

Ал материалдар атайын экспертизага жөнөтүлдү.

Аталган факт сотко чейинки өндүрүшкө КР Кылмыш-жаза кодексинин 314-беренесинин 2-бөлүмү (Экстремисттик уюмду түзүү) боюнча кылмыштардын жана жоруктардын бирдиктүү реестрине катталды.

Нарын шаардык №24 убактылуу кармоочу жайына ячейканын уюштуруучулары кармалды.

Тергөө жүрүп жатат.