Билим берүү жана илим министрлиги 2020-2021-окуу жылдарындагы
каникулдардын болжолдуу датасын айтты.
Ага ылайык, мектептер күзгү каникулга 2-ноябрдан 9-ноябрга чейин тарамай болушту. Тагыраагы, бир жума эс алышат.
Кышкы каникул жылдагыдай 2020-жылдын 30-декабрынан 2021-жылдын 11-январына чейин созулат. Ал эми жазгы каникул 2021-жылдын 22-мартынан 30-мартка чейин деп белгиленди. Ал эми жайкы каникул 25-майдан тарта баштала турганы божомолдонду.
«Үчүнчү чейректе 1-класстын окуучулары үчүн кошумча каникул мөөнөтү берилет. Бирок анын баары райондук, шаардык билим берүү башкармалыктары менен макулдашылат», — деп айтылат маалыматта.
Эске салсак, быйыл өлкөдөгү эпидемиологиялык кырдаалдан улам мектеп окуучулары жайкы каникулга 30-майда тарашкан. Жаңы окуу жылын 1-класстардан башкалары дистанттык формада окууда.