Forbes журналы дүйнөдөгү эң көп маяна алган футболчулардын жылдык рейтингин түздү
Forbes журналы дүйнөдөгү эң көп маяна алган футболчулардын
жылдык рейтингин түздү.
Басылманын маалыматына ылайык, дүйнөдөгү алдыңкы он оюнчуга, Европа лигасындагы жаз мезгилинде эмгек акынын 30-70% төмөндөшүнө алып келген пандемияга байланыштуу матчтардагы тыныгууларды эсепке албаганда, алдыдагы сезондо 570 миллион доллар айлык акы, бонустар жана стимулдар катары жалпы жөлөкпул күтүлүүдө..
Ошентип, быйыл рейтингдин башында Лионель Месси турду. Анын жалпы кирешеси 126 миллион долларды түзгөн. Эмгек акы — 92 миллион доллар.
Экинчи орунду Криштиану Роналду ээледи — жалпы кирешеси 117 миллион. Эмгек акысы — 70 миллион доллар.
Үчүнчү орунда Франциянын Пари Сен-Жермен клубунан Неймар турат. Жалпы кирешеси — 96 миллион доллар, эмгек акы — 78 миллион доллар.
Төртүнчү орунду Килиан Мбаппе (Пари Сен-Жермен) алды. Жалпы кирешеси — 42 миллион доллар. Эмгек акысы — 28 миллион доллар.
Бешинчи орунда «Ливерпулдун» өкүлү Мохамед Салах турат. Жалпы киреше — 37 миллион доллар, эмгек акы — 24 миллион доллар.
