Коом
Бишкекте жана Чүй облусунда 8-10-декабрда жолдор убактылуу жабылат
8-10-декабрда Бишкек шаарында жана Чүй облусунда жолдор убактылуу жабылат. Бул тууралуу Жол кыймылынын коопсуздугун камсыздоо башкы башкармалыгынын (ЖКККББ) маалымат кызматы билдирди.
Борбор калаада 8-декабрь күнү инвестициялык форум, 9-декабрда Евразиялык экономикалык кеңештин жыйыны өтөт.
Бул даталарда убактылуу чектөө киргизиле турган көчөлөрдүн тизмеси:
«Манас» аэропортунан баштап, Фучик көчөсү менен Чүй проспектине чейин;
Чүй проспектинин Фучик көчөсүнөн тартып Манас проспектине чейинки бөлүгү;
Манас жана Чыңгыз Айтматов проспектилеринин Чүй проспектинен тартып мамлекеттик резиденцияга чейинки бөлүгү;
Мамлекеттик резиденциядан Дооронбек Садырбаев көчөсү менен «Ата-Бейит» мемориалдык комплексине чейин.
ЖКККББ айдоочуларды жана шаар тургундарын жогорудагы убактылуу чектөөлөрдү унутпай маршруттук каттамдарды алдын ала пландап, утурумдук ыңгайсыздыктарды түшүнүү менен кабыл алууга чакырат.
