Жусуп Баласагын атындагы Кыргыз улуттук университетинин имаратынын күрөөдө турганы аныкталган эмес

Ж. Баласагын атындагы Кыргыз улуттук университетинин Түштүк Кореянын «Медисон Ко» корпорациясы менен Кыргызстанга медициналык жабдууарды алып келүү боюнча 1998-жылы түзүлгөн келишими туурасында окуу жайдын жетекчилиги түшүндүрмө берди.

Ректораттын маалыматына караганда, медициналык жабдуулар университетке келген эмес жана балансына да алынган эмес. КУУнун имараты, анын ичинде №1 окуу корпусу эч кандай кредиттин алкагында күрөөгө коюлган эмес. Бул маалыматты Кыймылсыз мүлккө укук Мамлекеттик реестринен алынган көчүрмө тастыктайт. КУУнун имаратынын күрөөгө коюлгандыгын тактоо боюнча 2000-жылдан бери бир нече деңгээлдеги текшерүүлөр жүргөн. Бирок күрөөдө турганы аныкталган жок.