Вашингтон менен Тегеран Ормуз кысыгын ачуу боюнча макулдашууга жетишкенден кийин ирандык мунай ташыган кемелер экспортту кайра баштады.
Reuters агенттигинин маалыматына ылайык, Hero II жана Diona супертанкерлеринин ар бири 2 миллион баррелден, ал эми Sonia I кемеси 1 миллион баррель мунай ташып чыгып кеткен. Жалпысынан дүйнөлүк рынокко 5 миллион баррелге жакын иран мунайы жөнөтүлдү.
АКШ менен Ирандын ортосунда согушту токтотуу боюнча жетишилген меморандумга ылайык, Вашингтон Тегеранга мунай жана күйүүчү май сатууга кайра уруксат берет.
