Борбор калаанын мэри Айбек Жунушалиев «Биримдик кербени» долбоорунун алкагында бийик тоодогу булактан алынып көөкөргө куюлган сууну кабыл алды. Анын айтымында, бул демилге улуттук биримдик идеясын чагылдырат.
Иш-чаранын алкагында шаар тургундары жана коноктору үчүн концерттик программа уюштурулду. Дүйнөлүк көчмөндөр оюндары башталганга чейин суу куюлган идиш «Асанбай» кичи районундагы А-Банктын филиалында сакталат, ал жерден каалоочулар аны көрүп, эстеликке сүрөткө түшө алышат.
