Кооптуу тилкелерден 92 үй-бүлө убактылуу көчүрүлдү

Республикабыздын аймагындагы кооптуу тилкелерде жашап жаткан үй-бүлөлөрдү убактылуу коопсуз тилкеге көчүрүү максатында ӨКМ тарабынан кооптуу тилкелерден 92 үй-бүлө убактылуу көчүрүлдү. Бул тууралуу бүгүн, 14-майда ӨКМдин Калкты жана аймакты коргоо башкармалыгынын башчысынын убактылуу милдетин аткаруучу майор Абдыманап Гулжигитов билдирди.

Анын айтымында, Ош облусунун аймагында 106, Баткен облусуна 10 жана Жалал-Абад облусуна 22 чатыр, жалпы  138 даана чатырлар бөлүнүп, коопсуз аймактарга орнотулуп берилгендигин маалымдады.

Анын маалыматына караганда бүгүнкү күндө кооптуу тилкелерден жалпы 92 үй-бүлө көчүрүлүп, алардын ичинен 23 үй-бүлө убактылуу тигилген чатырларда, ал эми 69 үй-бүлө туугандарынын үйүнө көчүрүлгөн.