Шайлоо — 2020. Сот «Актив» саясий партиясынын арызын канааттандыруудан баш тартты

Бишкек административдик соту «Актив» саясий партиясынын арызын канааттандыруудан баш тартты. Бул тууралуу аталган мекеменин басма сөз кызматы билдирди.

Саясий партия соттон БШКнын шайлоо жарышынан четтетүү чечимин мыйзамсыз деп табууну суранган.  

Эскерте кетсек, партия 5 миллион сом шайлоо күрөөсүн төлөгөн эмес.

Белгилүү болгондой, 3-сентябрда Борбордук шайлоо комиссиясы «Актив» жана «Бүтүн Кыргызстан» партияларына Жогорку Кеңештин депутаттыгына талапкерлердин тизмесин каттоодон баш тарткан.

Шайлоо комиссиясынын маалыматы боюнча, “Активдин” документтерин текшерүү учурунда бир катар мыйзам бузуулар аныкталган.