Борбордогу мектептер качан ачылат?

Борбордо мектептер жаңы жылдан кийин ачылышы мүмкүн. Мындай пикирин Бишкек шаарынын вице-мэри Айжан Чыныбаева шаардык кеңештин депутатынын суроосуна жооп берип жатып билдирди.

«Биз мектептерди салтту түрдө окутуу форматына өткөрүү боюнча Саламматтыкты сактоо министрлиги менен талкуулаганбыз. Коронавирустун экинчи толкунунун чокусу ушул айдын 20ларына туш келерин белгилеген. Ошондуктан 11-ноябрда мектептерди салтту форматта окутууга өткөрүү мүмкүн эмес жана өтө кооптуу», — деп жооп берди вице-мэр.