«Ак-Ордо» жаңы конушунда өз жанын кыюуга аракет кылган жигит куткарылды

Бишкекте өз жанын кыюуга аракет кылган жигит куткарылды. Бул тууралуу борбор калаанын Патрулдук милиция кызматынын бөлүмүнөн билдиришти.

Маалыматка ылайык, бүгүн саат 10.00 чамасында милицияга белгисиз жаран «Ак-Ордо» жаңы конушунда арыкка секирип, чыга албай жатат деген билдирүү түшкөн.

Окуя болгон жерге Патрулдук милиция кызматкерлери жана Өзгөчө кырдаалдар министрлигинин кызматкерлери келип, 27 жаштагы Бишкек шаарынын тургуну үй-бүлөлүк чырдан улам өз жанын кыюуну каалагандыгын аныкташкан. Жыгылуунун натыйжасында ал бир нече жаракаттарды алган. Ал ооруканага жаткырылды.