Гарри Поттер тасмасынын уландысы тартылуусу мүмкүн

Америкалык WarnerMedia компаниясынын башчысы Джейсон Килар жаш сыйкырчы Гарри Поттер жөнүндө фильм франчайзингинде дагы бир тасма пайда болушу мүмкүн деп кыйытты.

«Гарри Поттер деген кичинекей нерсе бар, ал эң сүйүктүү франчайзингдердин бири. Ошондой эле биз Дж.К. Роулинг менен өнөктөш боло алгандыгыбызга абдан ыраазыбыз. Анын окуяларында көптөгөн кызыктуу жана потенциалдуу нерсе бар деп айтаар элем»,- деди.

Килар башка маалымат берген жок.

Буга чейин, «Фантастикалык жырткычтар» тасмасынын үчүнчү бөлүгүн тартуу иштери, коронавирустун «түштүкафрика» штаммы тасма тартуучуларга  жана актерлор арасында жугушу мүмкүн деген себеп менен токтотулган.