Бишкек шаарынын айрым аймактарында убактылуу суу токтотулат. Тизме
Бишкек шаарынын айрым аймактарында убактылуу суу токтотулат. Бул тууралуу шаардык мэриянын басма сөз кызматынан билдиришти.
Маалыматка ылайык, сууну өчүрүү Кызыл Аскер конушуна, 110-кварталга, Достук кичи районуна таасир этет.
«Жай мезгилине даярдануу максатында “Западный” суу алуучу жайындагы жана Бишкек шаарынын суу түтүктөрүндөгү жумуштарга байланыштуу 20-апрелде саат 09:00дөн кечки 22:00гө чейин Садыгалиев көчөсү, Чоң Чүй каналы (Пригородное), Ала-Арча дарыясы жана темир жол линиясы менен чектелген аймакта, анын ичинде Волков, Кустанай, Садыгалиев көчөлөрү жана Чоң Чүй каналынын аянтында ичүүчү суу убактылуу үзгүлтүккө учурайт», — деп жазылган маалыматта.
«Бишкек суу канал» өндүрүштүк эксплуатациялык башкармалыгы, «Бишкек жылуулук энерго» коммуналдык ишканасы келтирилген ыңгайсыздыктар үчүн кечирим сурайт жана шаардыктардан жана уюмдардан ичүүчү сууну камдап алууну өтүнөт.
