Бишкектин бир катар жолдору оңдолуп, тротуарлар салынат. Тизме

Бишкек шаарынын мэриясы жакында тогуз көчөнүн жолу жана жети көчөнүн тротуары оңдоло турганын билдирди.

Ремонт жасала турган жолдордун узундугу 8,6 чакырым. Алар төмөнкүлөр:

Месарош көчөсүнүн Дэн Сяопинден Жамгырчиновго чейинки бөлүгү;
Эр-Тайлак көчөсүнүн Арча-Бешиктен Репинге чейинки бөлүгү (Арча-Бешик конушу);
Жунусалиев көчөсүнүн Эр-Тайлактан Абдрахмановго чейинки бөлүгү (Арча-Бешик конушу);
Садыбакасов көчөсүнүн Эр-Тайлактан Абдрахмановго чейинки бөлүгү (Арча-Бешик конушу);
Курултай көчөсүнүн Магистралдан Кожомкуловго чейинки бөлүгү (Ынтымак конушу);
Ак-Ордо көчөсүнүн Барпы Алыкуловдон Тагай-Бийге чейинки бөлүгү (Ак-Ордо конушу)
Шералиев көчөсүнүн 18-көчөсүнөн Түндүккө чейинки бөлүгү (Арча-Бешик конушу);
Интергельпо көчөсүнүн Кең-Суудан Дэн Сяопинге чейинки бөлүгү;
Сыдыков көчөсүнүн Калык Акиевден Турусбековго чейинки бөлүгү.

Ал эми жасала турган тротуарлардын узундугу 13,1 чакырым. Алар төмөнкүлөр:

Тагай бий көчөсүнүн Гагаринден Ак-Ордого чейинки бөлүгү (чыгыш тарабы);
Садырбаев көчөсүнүн Семетейден Жайыл баатырга чейинки бөлүгү (батыш тарабы);
Ахунбаев көчөсүнүн Бакаевден Садырбаевге чейинки бөлүгү (түндүк тарабы);
Өмүр көчөсү Барпы Алыкуловдон Кырк-Кызга чейин (түндүк тарабы);
Чүй проспектисинин Бейшеналиевден Жаш Гвардияга чейинки бөлүгү (эки тарабы тең);
Алтымышев көчөсүнүн Бакаевден Садырбаевге чейинки бөлүгү (түндүк тарабы);
Асаналиев көчөсү Гагаринден темир жол линиясына чейин (эки тарабы тең).