Дүйнөлүк банк Бишкекке ыш менен күрөшүүгө жардам берет

Дүйнөлүк банк Бишкекке ыш менен күрөшүүгө жардам берет. Бул тууралуу шаардык муниципалитеттин басма сөз кызматы билдирди.

Маалыматка ылайык, шаар мэри Эмилбек Абдыкадыровдун Дүйнөлүк банк миссиясынын эксперттери менен жолугушуусунда кызматташуу талкууланды. Катышуучулар «Бишкек шаарындагы абанын сапатын жакшыртуу» долбоорун ишке ашыруунун жүрүшү тууралуу сүйлөшүштү.

Миссия буга чейин техникалык жардамдын да, инвестициялык компоненттердин да бир нече негизги багыттарын аныктаган.

Өз кезегинде Эмилбек Абдыкадыров жигердүү узак мөөнөттүү кызматташууга даяр экенин билдирип, долбоорго киргизүү зарыл болгон артыкчылыктуу маселелерди белгиледи.