16-майга карата аба ырайы

Бүгүн бийик тоолуу райондордо кар жаап, жолдор тоңот. Бул тууралуу Кыргызгидромет билдирди.

Дыйканчылык аймактардын кээ бир жерлеринде кыска убакытка жамгыр жаашы мүмкүн. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй жергесинде +26…+31, Таласта +24…+29, Ош, Жалал-Абад жана Баткен облустарында +28…+33, Ысык-Көл өрөөнүндө +20…+25, Нарын аймагында +19…+24 градус жылуу болот.

Борбор калаада күндүн табы +29…+31, Ош шаарында +31…+33 градуска көтөрүлөт.