Бишкекте 22-апрелден тарта ысык суу өчүрүлөт

Борбор калаада ысык суу 22-апрелден тарта өчүрүлөрүн мэриядан билдиришти.

Маалыматка ылайык, тиешелүү буйрукка борбор калаанын мэри Айбек Жунушалиев 18-апрелде кол койгон.

«Жылуулук жабдууларын, тармактарын, отканаларды, жылуулук керектөө тутумун 2024-2025-жылдын от жагуу мезгилин сапаттуу жана өз убагында даярдоо максатында 22-апрелден 1-июнга чейин ысык суу өчүрүлөт», — деп айтылат маалыматта.

Берилген кабарга таянып эсептесек, Бишкекте ысык суу 40 күн жок болот. Борбор калаада ысык суу жыл сайын профилактикалык жана оңдоо жумуштарын жасоо үчүн убактылуу өчүрүлүп келет.