Трамп: TikTok тиркемесинин каражаты АКШнын пайдасына жумшалат

АКШ президенти Дональд Трамптын айтуусу боюнча TikTok кытай сервисин сатуудан улам келип түшкөн акча каражаттарынын бир бөлүгү АКШ Финансы министрлигинин эсебине которулат.

Бул тууралуу ал журналисттер менен болгон пресс-конференцияда билдирген. Журналисттердин: — «Финансы министрлиги ал каражаттарды кандай жолдор менен алуусу ыктымал?»-деген суроосуна Трамп:-«Анын жолу өтө оңой. Оюн карталарынын бардыгы биздин колдо!»-деп жооп узаткан.

Белгилей кетсек, кызматты пайдалануучулар тууралуу маалыматы Кытай бийлигине жеткирип турган деген доомат менен Трамп буга чейин TikTok тиркемесинин ишине тыюу саларын айткан болсо, кечээ 15-сентябрга чейин аны сатууну талап кылган.