Нарындын мэри өлкөдөн сыртка чыкпоо тил каты менен бошотулду

Нарын шаарынын мэри Самарбек Болотбеков өлкөдөн сыртка чыкпоо тил катынын негизинде бошотулду. Бул тууралуу Бишкектин Биринчи май райондук сотунан кабарлашты.

Соттун чечими кечээ, 20-сентябрда чыккан.

УКМК Самарбек Болотбековдун 18-сентбярда кармалганын кабарлаган. Ал былтыр өткөн парламенттик шайлоо учурунда алдамчылык кылуу фактысы боюнча айыпталган.

Самарбек Болотбеков мурдагы депутат Руслан Чойбековдун ишинин алкагында кармалган. «Кыргызстан» саясий партиясынын мүчөсү жана парламенттин экс-депутаты Руслан Чойбеков тарабынан депутаттык мандат үчүн 300 миң доллар алынып, арыз ээсине өзгөчө ири өлчөмдө зыян келтирилген. Бул кылмышка Самарбек Болотбековдун да тиешеси бар экени кабарланган.

Экс-депутат Руслан Чойбеков 16-сентябрда кармалган, ал тергөө бүткөнчө камакта болот.