Казакстандагы митингдин катышуучулары жарандыгынан жана өмүр бою эркинен ажыратылышы мүмкүн

Казакстандагы баш аламандыктын катышуучулары өмүр бою эркинен ажыратылып, жарандыгынан да кол жуушу мүмкүн. Бул тууралуу Казакстандын Башкы прокуратурасы билдирди.

«Учурда кылмыш изин чогултуу жана эсепке алуу иштери жүрүп жатат. Буга байланыштуу, калктан видеокамера жана уюлдук телефондорго тартып алган мыйзам бузуу фактыларын сактап коюуну суранабыз», — деп айтылат маалыматта.

Билдирүүгө ылайык, митингчилер жарандыгынан ажыроо менен 8 жылдан баштап өмүр бою эркинен ажыратылышы мүмкүн экендиги айтылат.