Дипломатиялык мамилелерге 30 жыл. Финляндиянын президенти Садыр Жапаровго кат жолдоду

Финляндиянын президенти Саули Ниинистё Кыргызстандын президенти Садыр Жапаровго эки өлкөнүн ортосундагы дипломатиялык мамилелердин түзүлгөндүгүнүн 30 жылдыгына байланыштуу куттуктоо кат жолдоду. Бул тууралуу президенттин басма сөз кызматынан кабарлашты.

“2022-жылдын 23-мартында Финляндия Республикасы менен Кыргыз Республикасынын ортосунда дипломатиялык мамилелердин түзүлгөндүгүнүн 30 жылдыгына байланыштуу Сизге чын жүрөктөн куттуктоомду, ошондой эле Сиздин өлкөңүзгө жана анын элине гүлдөп-өнүгүүнү, бакубатчылык кааларымды айткым келет”, — деп айтылат куттуктоо катында.