УКМК: Алтынбек Сулайманов кармалган жок

Саясатчы Алтынбек Сулайманов кармалганы тууралуу маалыматтарды Улуттук коопсуздук мамлекеттик комитети жокко чыгарды.

Буга чейин, анын бир күндөн бери УКМКда суракта экени тууралуу маалыматтар тарап жаткан.

Сулайманов Алтынбек Турдубаевич президенттин Ысык-Көл облусундагы ыйгарым укуктуу өкүлү кызматынан өзү жазган арыздын негизинде бошотулган.

Тиешелүү жарлыкка президент Садыр Жапаров 28-сентябрда кол койду.

Сулайманов 27-сентябрда отставкага кеткенин жар салган. Ал бул кызматка 2022-жылы февраль айында дайындалган болчу.