Улуу Британияда куш тумоосу күч алууда
Улуу Британияда тарыхтагы эң ири куш тумоосу аныкталды Бул тууралуу Daily Mail басылмасы билдирди.
Маалыматка караганда, бүгүнкү күнгө чейин үч миллиондон ашык канаттууларды жок кылууга туура келди жана Англиянын түштүк-батышында канаттуулардын тумоосун алдын алуу зоналары киргизилди. Куш тумоосу Улуу Британиянын 155 жеринде табылган.
Жапайы канаттуулардын популяциясы катуу жабыркаса да, канаттууларды өстүргөн фермерлер үй канаттуулары үчүн көбүрөөк тынчсызданууда.
Айлана-чөйрөнү коргоо, тамак-аш жана айыл иштери боюнча департаменти (DEFRA) бир катар аныкталган учурлардан кийин куш тумоосунун алдын алуу аймактарын кеңейтти. Эми мыйзам боюнча менчик ээлери биологиялык коопсуздуктун катуу чараларын сактоого менен – 500дөн ашык канаттуулардын ээлери өндүрүшкө тиешеси жок адамдардын фермага кирүүсүнө чектөө коюуга милдеттүү.
Учурда дыйкандарга оорудан өлгөн канаттууларга эмес, ден-соолугу чың канаттууларды жок кылганы үчүн гана компенсация төлөнүп жатат.
