Президент Жапаров июль айында ШКУнун саммитине катышуу үчүн Индияга барат

Үстүбүздөгү жылдын 3-4-июлунда президент Садыр Жапаров иш сапары менен Индияга барат. Анда өлкө башчы Нью-Дели шаарында өтө турган Шанхай кызматташтык уюмуна мүчө-мамлекеттердин башчыларынын Кеңешинин жыйынына катышат.

Мындай маалымат тышкы иштер министри Жээнбек Кулубаевдин Панажи шаарында өткөн ШКУга мүчө-мамлекеттердин министрлер кеңешинин жыйынынын алкагында Индия тышкы иштер министри Субраманям Жайшанкар менен жолугушуусунда белгилүү болду.