Вирус жуктургандар менен байланышта болгон 15 аял көз жарды

Ош облусу жана Ош шаарында коронавирус жуккандар менен байланышта болуп, үй карантининде болгон 15 аял төрөдү.

Саламаттык сактоо министрлиги билдиргендей, аларга адистер онлайн-кеңештерди берип турган. Айы-күнү жеткенде обсервациядагы төрөт бөлүмүнө жеткирилген.

Коронавирус илдетин жуктуруп алган эки кош бойлуу келин катталган.

«24-мартка карата оорулар менен карым-катнашта болгон кош бойлуулардын саны 72 болчу. 1-майга алынган маалыматтар боюнча,  45 аял болду», — деп айтылат маалыматта.