Бир суткада 234 адам коронавирус жана пневмониядан айыкты

Акыркы сутканын ичинде Кыргызстандын аймагында дагы 234 адам коронавирус менен пневмониядан айыгып чыкты. Бул тууралуу бүгүн, 28-августтагы брифингде саламаттыкты сактоо министринин орун басары Нурболот Үсөнбаев билдирди.

Жаңы айыккандар:

— Бишкек шаарында 104 адам;

— Ош шаарында 10 адам;

— Чүй облусунда 20 адам;

— Ош облусунда 25;

— Талас облусунда 4;

— Нарын облусунда 3;

— Ысык-Көл облусунда 22;

— Жалал-Абад облусунда 32;

— Баткен облусунда 14 адам.

Бүгүнкүгө чейин Кыргызстанда 37 миң 726 адам коронавирус жана пневмониядан айыкты.

Жалпысынан 43 миң 587 адамдан коронавирус жана пневмония аныкталган.