Жол эрежесин бузуу боюнча 26,4 млн сом айып пул өндүрүлдү
Милициянын кайгуул кызматкерлери тарабынан 3 айдын ичинде 88 миң 299 бузуулар жөнүндө протоколдор толтурулду. Бул тууралуу Милициянын кайгуул кызматынын басма сөз кызматы билдирди.
Маалыматка ылайык, 2021-жылдын 1-чейрегинин жыйынтыгы менен Бишкек ШИИББ боюнча милициянын кайгуул кызматы тарабынан 88 миң 299 бузуулар жөнүндө протоколтор толтурулуп, бул көрсөткүч өткөн жылдын 3 айына салыштырмалуу 58 миң 504 протоколго көп толтурулган.
Алардын ичинен:
— Айдоочулук күбөлүгү жок жана авто унаага тийиштүү документтери жок авто унаа башкаруу 1074;
— Мас абалында авто унаа башкаруу 923;
— Авто унаанын алдыңкы жана каптал терезелерин атайын караңгылатып, күңүттөп айдоо 183;
— Тийешелүү макулдашуусу жок кайра жабдылган ТКны башкаруу 95;
— “Коопсуз шаар” долбоору боюнча 1164 ;
— Авто ээнбаштык 15;
Башка жол эрежесин бузуулар 84 845 6225 авто унаа ар кандай жол эрежесин бузгандыгы үчүн, убактылуу токтотуучу айып короо жайына токтотулган.
Ал эми 2021-жылдын 3 ай ичинде түзүлгөн протоколдорго 121 млн 621 миң сом айып пул салынып, бүгүнкү күндө 26 млн 487 миң 430 сом өндүрүлгөн.
