Экономика
Улуттук банк сомдун курсун кармап туруу үчүн 59,30 миллион доллар сатты
Улуттук банк 10-мартта интервенция жасап, валюта рыногуна 59,30 миллион доллар сатты. Бул тууралуу Улуттук банктын маалымат кызматынан билдиришти.
Ага ылайык, анын 39,85 миллион доллары накталай түрдө сатылган. Жыл башынан бери Улуттук банк беш жолу интервенция жүргүздү. Анын алкагында жалпы 284,3 миллион доллар саткан.
2022-жылдын башынан 11-мартка чейин долларга карата сомдун курсу 21 пайызга арзандап кеткен.
