Эртең Бишкек шаарынын 144 жылдыгы белгиленет
Эртең, 29-апрелде Бишкек шаарынын 144 жылдыгы белгиленет. Бул датага арналган майрамдык иш-чаралар борбор калаадагы төрт райондо өткөрүлөт.
БИРИНЧИ МАЙ РАЙОНУ:
28-апрелде саат 14.00дө Бишкектин карылар жана ден соолугунун мүмкүнчүлүгү чектелген жарандар үчүн социалдык-стационардык мекемесинин конокторуна майрамдык дасторкон жана концерттик программа тартууланат.
29-апрель күнү саат 9:00дө №29 мектепте баскетбол боюнча «Бишкек кубогун» өткөрүү пландалууда. Өзбекстан, Казакстан, Кыргызстандан спортчулардын катышуусу күтүлүүдө.
29-апрелде саат 13:00дө профессор Зима жана Безымянная көчөлөрүнүн кесилишиндеги Ак-Босого конушунда «Ыр кесе» ыр сынагы өтөт. Коноктор үчүн улуттук тамак-аштар коюлган боз үйлөр тигилет. Ошондой эле, улуттук жана спорттук оюндар жана фольклордук чыгармалардын концерти, «Шайыр апалар» фольклордук ансамбли уюштурулат.
29-апрелде саат 12.00дө Коломто муниципалитетинде туруктуу жашаган жери жок адамдар үчүн майрамдык сый тамак уюштурулат.
Мындан тышкары райондун мектептеринде «Менин сүйүктүү Бишкек шаарым», «Бишкек шаарынын тарыхы» деген темаларда класстык кабинеттер, лекциялар, сүрөт сынактары уюштурулууда.
ЛЕНИН РАЙОНУ:
25-апрелден баштап райондун жалпы билим берүү уюмдарында шаар күнүнө карата тематикалык класстык сааттар, ачык сабактар жана сынактар өткөрүлүүдө.
29-апрель саат 10:00 КМУнун имаратында: көч. Горький атындагы No18а КМУнун жана Футбол академиясынын колдоосу менен Ленин жана Аламудун райондорунун студенттеринин ортосунда жолдоштук беттешуу болот.
29-апрель күнү саат 10:00дө билим берүү уюмдарынын окуучулары райондун аймагында жайгашкан тарыхый имараттарга экскурсия жасашат.
Ошол эле учурда «Аялзат» кризистик борборунда майрамдык иш-чара өткөрүлөт.
СВЕРДЛОВ РАЙОНУ:
27-апрелде саат 08:30да мектеп активисттери үчүн маршруттук гид менен автобус менен тарыхый экскурсия уюштурулат: Акимиат – Цирк – М.Фрунзе атындагы музей – Кыргыз академиялык опера жана балет театры – Тарых музейи.
28-апрель күнү саат 09:00дөн 12:00гө чейин Акимиат — Шоро фирмасы — Куликовский CD маршруту боюнча өнөр жай ишканаларынын айланасында балдар үчүн экскурсия болот.
29-апрелде саат 10:00дөн 12:00гө чейин ЦУМда, Кыргыз академиялык опера жана балет театрында, «Кыргызтелеком» ААКсында шаардыктар үчүн шаардын тарыхын билүү боюнча сурамжылоо менен викторина уюштурулат.
Ошол эле учурда «Чыгыш-5» кичи районунда «Чыгармачыл Арбат» аттуу сүрөт көргөзмөсү уюштурулууда. Сүрөтчүлөр зонасы – мольберттерге сүрөттөр, балдардын кол өнөрчүлүгүнүн жана мектеп окуучуларынын сүрөттөрүнүн көргөзмөсү болот.
Окуу планынын алкагында райондун жалпы билим берүү уюмдарынын арасында класстык сааттар, викториналар жана башка иш-чаралар өткөрүлөт.
ОКТЯБРЬ РАЙОНУ:
29-апрелде саат 11.00дөн 13.00гө чейин Ынтымак-2 сейил багында майрамдык концерт, элдик майрамдар, соода жарманкелери, улуттук тамак-аштардын фестивалы болот.
29-апрель күнү «Ынтымак-2» сейил багында саат 20.00дөн 23.00гө чейин «Скай Мобайл» ЖЧКсы Бишкек шаарынын күнүнө карата иш-чараларды уюштурууну пландоодо.
Райондун билим берүү уюмдарында «Менин сүйүктүү шаарым» кароо-сынактары, «Шаардын жазгы ойгонушу» сүрөт, дилбаяндардын сынагы өткөрүлөт. Райондун билим берүү уюмдарында класстык сааттарды жана ачык сабактарды: «Бишкекте жаз», «Мен өз шаарымды эмне үчүн сүйөм», мастер-класстарды, прикладдык искусство көргөзмөлөрүн, «Сармерден» кароо-сынагын жана спорттук мелдештерди өткөрүү пландаштырылууда.
