Жылаңач кыздардын сүрөттөрү айдоочуларга тоскоол болууда. Депутат жол жээгиндеги баннерлерди алып салууну талап кылды
Бүгүн парламент жыйынында депутат Нуржигит Кадырбеков жылаңач кыздардын сүрөттөрү тышкы жарнак баннерлерине илингенине нааразы болду.
Ал Мамлекеттик Жол кыймылынын коопсуздугун камсыздоо инспекциясынын жетекчисинен тышкы жарнактар жол кыймылына канчалык тоскоол болуп жатканы боюнча аналитика барбы деп сурады.
Ар бир көрнөк-жарнак жол көзөмөлдөө кызматы менен макулдашылган деп жооп берди Азамат Исраилов. Анын айтымында, жарнактын белгилүү эрежелери бар.
«Алты ай ичинде 96 көрнөк-жарнактарды демонтаждадык», — дейт Азамат Исраилов.
Депутат жылаңач кыздардын сүрөттөрү түшүрүлгөн көрнөк-жарнактарды демонтаждоо керек деп жооп берди.
“Жылаңач кыздар тартылган жарнактарды алып салыңыз. Ошондо, сиз адеп-ахлак боюнча иштейсиз”, — деди ал.
Эл өкүлү ошондой эле жол кыймылынын коопсуздугун камсыздоо боюнча мамлекеттик инспекциянын кызматкерлери бардык жерде айдоочуларга айып пул салганын белгиледи.
«Жол эрежесин бузгандар үчүн көп сандагы жазалар коррупцияга алып келиши мүмкүн. Жол кыймылынын коопсуздугун камсыздоо боюнча мамлекеттик инспекциянын кызматкерлери: «Мына, официалдуу түрдө мындай айып, бирок мынча төлөсө болот» деп айтышы мүмкүн. Мындай болбошуна кандай кепилдик бар? — ал сурады.
Ички иштер министринин орун басары Нурбек Абдиев аталган башкармалык коррупцияга каршы күрөшүү боюнча милиция кызматкерлеринин арасында иш алып барып жатканын айтты.
Нуржигит Кадырбеков айдоочулардын жол чыракка түкүргөнүн көп байкаганын айтты. Ал айдоочуларды тасмага тартуу идеясын колдоду.
«Бизде түкүргөндөр үчүн 5000 сом айып каралган мыйзам бар, бирок ал аткарылбай жатат. Ошол эле көчө. Бул биздин бетибиз, чет элдиктердин алдында уялам. Чет өлкөгө түкүргөндөргө айып пул салынат», — деди депутат.
