Данияр Амангелдиев: 2022-жылы ички дүң продукциянын көлөмү дээрлик 919 миллиард сомду түзүп, 2021-жылга салыштырмалуу 7 пайызга өстү

Мындай маалыматты Экономика жана коммерция министри Данияр Амангелдиев министрликтин 2022-жылдагы ишинин жыйынтыгы жана 2023-жылга пландары боюнча коллегияда билдирди.

ИДПнын өсүшү ыкчам кабыл алынган кризиске каршы чараларды ишке ашыруунун жана жагымдуу иш чөйрөсүн түзүүнүн, ошондой эле ички резервдерди стимулдаштыруу боюнча чараларды көрүүнүн эсебинен мүмкүн болду.

Мындай жогорку темпте өсүүнүн маанилүү шарты болуп төмөнкүлөр саналат:

• Салыктык жана бажылык жол-жоболорду фискалдаштыруу жана администрациялоо боюнча кабыл алынган олуттуу иш чаралар. Салыктык түшүүлөр 229 млрд сомду түзүп, анын ичинде дээрлик 154 млрд сому салык саясатынын чаралары менен, ал эми 74 млрд сому бажы төлөмдөрүнөн камсыз кылынды. Өткөн жылга салыштырмалуу салык жана бажы төлөмдөрүнүн өсүшүн 48,3 жана 58,5 пайызга жогорулады.
• Монетардык эмес жана монетардык саясаттын чараларынын негизинде инфляция белгиленген чектерде сакталган. Жылдын жыйынтыгында инфляция 14,7% түздү. Кризиске каршы чаралар кабыл алынбаганда инфляциянын деңгээли 18% же андан да жогору болмок.