Садыр Жапаров: Топтолгон алтынды ар кандай кырдаалдардын камын көрүү үчүн кармап турабыз

Садыр Жапаров Бишкек шаарындагы Нооруз майрамына карата майрамдык салтанаттагы куттуктоо сөзүндө республикалык бюджеттин көлөмүн жогорулатуу боюнча жана топтолгон алтын тууралуу токтолду.

«Кыргызстандын эгемендүүлүк тарыхында болуп көрбөгөндөй көлөмдө алтын корун топтоого жетиштик, аны ар кандай кырдаалдардын камын көрүү үчүн коопсуздук каражатынын топтому катары кармап турабыз. Ушул сыяктуу көзгө көрүнөрлүк иштерибиз барган сайын арбып, алдыга койгон ой-максаттарыбыз орундалып барат», — деди президент.