Эгемендик күнү Ала-Тоо аянтында 90 бала жоголгон

Бишкек шаардык милициясы тарабынан Ала-Тоо аянтында майрамдык иш-чаралар учурунда жоголгон 90 бала табылды. Бул тууралуу ИИББдин басма сөз кызматы билдирди.

Маалыматка ылайык, тактоо жана издөө иштерин жүргүзүүдө бардык балдар табылып, ата-энелерине жана мыйзамдуу өкүлүнө кайтарылды, жашы жете элек бир бала Ички иштер министрлигинин жашы жете электер арасындагы укук бузуулардын алдын алуу борборуна жеткирилди.