Камчыбек Ташиев: Келишим эки өлкөгө тең пайдалуу

Кыргызстан Өзбекстанга 4485га жер берип, ордуна 19699га жер алды. Бул тууралуу билдирүүнү, УКМКнын төрагасы Камчыбек Ташиев Жогорку Кеңештин Эл аралык иштер, коргоо, коопсуздук жана миграция боюнча комитетитинин жыйынында, кыргыз-өзбек чек арасын демаркациялоо жана делимитациялоо маселеси тууралуу маалымат берип жатып билдирди.

Анын айтымында, Кемпир-Абад турган 4485 гектар суунун жери Өзбекстандын карамагына өткөрүүгө макулдашылды. А бирок сууну тең башкаруу келишимин кеңешишти. 8 кишиден турган башкаруу ишкана курулуп, эки өлкөдөн 4төн киши сууну башкарат.

«Мындай келишим эки өлкөгө тең пайдалуу. Анткени айтылган 19699 гектар жерди кайтарып берип, Кемпир-Абадды толук бойдон өлкөгө алып калсам болмок. Бирок, анда Өзбекстандын 2 миллион гектар жери сугатсыз калмак. Кыргызстан дагы бир канча айдоо жана жайыт жерден айрылмак», — деди Ташиев.

Өзбекстандан Кыргызстанга өткөн жерлердин тизмеси:

Гавасай — 12 872га
Көк-Серек айылы — 105 га
Баястан — 212 га
Үңкүр-Тоо — 35 га
Ак-Таш — 100га
Шарихан-Сай 19,5 га
Кара-Белес 25 га
Өзгөн жана Сузак райондоруна — 1000 га