Жумгалда милициянын көчмө кабылдамасы иштеп жатат

2020-жылдын 12-октябрь күнү Жумгал райондук ички иштер бөлүмүнүн кызматкерлери жергиликтүү бийлик өкүлдөрү менен биргеликте атайын графиктин негизинде көчмө кабылдама менен айыл аймактарды кыдырып келишти.

Анда өлкөбүздө болуп жаткан «COVID-19» илдетинин алдын алуу жана жайылтып албоо максатында баардык санитардык-карантиндик эржелерди сактоо менен эл арасында түшүндүрүү иштерин жүргүзүүдө.

Ошондой эле айыл тургундарынан арыз даттанууларды  кабыл алышып, жеринен чечип берүүгө көмөк көрсөтүп жатышат.

Милициянын көчмө кабылдамасына 12  жаран кабыл алынып, 5 жаран жакшы ой пикирлерин калтырышкан.

Жумгал районунун аймагында мындай иш чара дагы да уланып турмакчы.

Нарын ОИИБдин Басма сөз кызматы