ИИМдин Жашы жете электердин арасындагы түнкүсүн көзөмөлсүз жүргөн өспүрүмдөрдү аныктоо боюнча иштерди жүргүзүүдө

22.01.2021

Жашы жете электердин арасындагы көзөмөлсүздүктүн жана укук бузуулардын алдын алуу, үйүнөн жана балдар мекемелеринен өз алдынча кетип калгандарды аныктоо максатында 21-январь күнү ИИМдин КККнын Жашы жете электер арасындагы укук бузуулардын алдын алуу боюнча борборунун өздүк курамы тарабынан «Кароосуз калган бала» аттуу рейддик иш-чара өткөрүштү. Рейд учурунда коомдук жайлар, соода борборлор, интернет клубдар жана башка мекемелер текшерилди. Компьютердик интернет клубдарын текшерүү учурунда ата-энеси же улуу адамдардын коштоосу жок жүргөн жеринен 10 өспүрүм менен укук бузуулардын алдын алуу боюнча түшүндүрүү иштери жүргүзүлдү. Ошондой эле 8 өспүрүм ата-энесине жана мыйзамдуу өкүлдөрүнө тапшырылды. Андан сырткары 2 жашы жете элек өспүрүм Сокулук районунун жашоочулары болгондуктан, ата-энесине жана бир туугандарына тапшырып беүү үчүн ЖУАБка жеткирилди.