Инстаграм 13 жашка чейинки балдардын профилдерин өчүрөт
13 жашка чейинки балдардын Инстаграм баракчалары өчүрүлүп, профилдери жок кылынат. Бул тууралуу АКШ конгерссинде белгилүү болду.
Анда аталган социалдык тармактын жетекчиси Адам Массери сөз сүйлөп, конгрессмендерге ушундай чечим кабыл алынгандын айткан.
Адистердин айтымында, Instagram жашы жете элек өспүрүмдөрдө көз карандылыкты пайда кылып, ал депрессияга айланып кетиши мүмкүн. Ал эми кээ бир өспүрүмдөр Интернетте чыр-чатактар же каталар болсо, өздөрүнө да олуттуу зыян келтиришет.
Ошондой эле, Instagram чоңдорго баласы тиркемеде канча убакыт өткөрөрүн көзөмөлдөөгө мүмкүндүк берүүчү «ата-эненин көзөмөлү» функциясына ээ болот.
«Мен толук ишенем, бул ата-эненин чечими болушу керек — бала телефондо канча убакыт өткөрөт. Кимдир бирөө айтат — 10 мүнөт, бирөө үчүн үч саат нормалдуу. Биз аларды мажбурлай албайбыз”, — деп түшүндүрдү платформанын башчысы Адам Моссери.
Эске салсак, изилдөө иштери ушул жылдын сентябрь айында башталган. Ошол эле учурда америкалык сенаторлор Марк Цукербергди 13 жашка чейинки балдар үчүн Instagram ачууну токтотууга чакырышты.
