Нарында жаш келинди атка сүйрөтүп өлтүргөн жаран өмүр бою эркинен ажыратылды

Нарында жаш келинди атка сүйрөтүп өлтүргөн жаран өмүр бою эркинен ажыратылды.  Бул тууралуу Нарын облустук сотунун басма сөз кызматынан билдиришти.

Белгилүү болгондой, ушул жылдын 23-январында Нарын облусуна караштуу Кочкор районунун Теңдик айылынын Тынай-Булак кыштоосундагы сарайда 22 жаштагы келиндин жансыз денеси табылып, анын күч колдонуп өлтүрүлгөнү аныкталган.

Келинди өлтүрдү делген шектүү Ош облусунун Ноокат районунан кармалган. Ал Баткен облусунун 1995-жылы туулган тургуну болгон.
Бул окуя боюнча Кочкор райондук соту чечим чыгарды. Анда айыпталуучу өмүр бою эркинен ажыратылды. Маалыматка ылайык, чечим 20-апрель күнү чыккан.